Ushbu o‘quv qo‘llanmada ekonometrikada qo‘llaniladigan amaliy dasturlar va ularning imkoniyatlari yoritib berilgan. O‘quv qo‘llanmada har bir bob ma’lum izchillik asosida tayyorlangan. Avvalo, ekonometrikada ehtimollar nazariyasining asosiy tushunchalari, tavsifiy statistikalarni hisoblashda Minitab va Gretl dasturlaridan foydalanish, keyinchalik gipotezalarni tekshirish, chiziqsiz juft va ko‘p omilli ekonometrik modellarni tuzishda EViews va Stata dasturlaridan foydalanish masalalari ko‘rib o‘tilgan. O‘quv qo‘llanmada har bir bob bo‘yicha bir qator masalalar amaliy dasturlarni qo‘llangan holda yechilgan va iqtisodiy tahlil qilingan. O‘quv qo‘llanmada ekonometrikada amaliy dasturlarni qo‘llashning nazariy va amaliy jihatlari yoritilgan bo‘lib, u bakalavriat "Ekonometrika" ta’lim yo‘nalishlari talabalariga “Ekonometrikada amaliy dasturlar majmui” fanidan o‘quv qo‘llanma sifatida tavsiya etiladi.