Umumiy psixologiya darsligi inson shaxsidagi psixologik xolatlar, xususiyatlar, jarayonlar haqidagi dastlabki bilimlar majmuasini berishga qaratilgan. Darslik psixologiyaga kirish, muloqot, faoliyat, shaxs, bilish jarayonlari shaxsning hissiy-irodaviy motivatsion sohasi, shaxsning individualpsixologik xususiyatlari nomli bo’limlardan iborat. Psixologiyaga kirish qismida psixologiyaning predmeti, hozirgi zamon psixologiyasining tuzilishi va tadqiqot metodlari, psixiki va ongning taraqqiyoti mavzulari, ikkinchi bo’limda muloqot, faoliyat, shaxs mavzulari, bilish jarayonlari bo’limida diqqat, sezgi, idrok, xotira, tafakkur, xayol mavzulari, shaxsning hissiy-irodaviy motivasion sohasi bo’limida hisiyot, iroda, motivasiya mavzulari, shaxsning individual psixologik xususiyatlari bo’limida xarakter, temperament, qobiliyat mavzulariga doir ma'ruza matnlari, mavzular yuzasidan test topshiriqlari, shuningdek mustaqil ishlash uchun mavzular va adabiyotlar ro’yxati, nazorat savollaridan iborat. Shuningdek nazariy materiallarni yaqqol ifodalash maqsadida chizma grafik, jadvallardan foydalanilgan. Darslikdan oliy o’quv yurtlari pedagogika va psixologiya yo’nalishi bo’yicha ta'lim olayotgan talabalar, magistrantlar, o’qituvchilar, ilmiy xodimlar, umuman shu sohaga qiziqqan keng kitobxonlar ommasi foydalanishlari mumkin