“Ipak Yo‘li Innovatsiyalar Universiteti” da “Yashil makon” dasturi: “Yashil universitet” loyihasi

Oʻzbekiston ekologik muhitni yaxshilash va barqaror rivojlanishni taʼminlash maqsadida keng koʻlamli loyihalarni amalga oshirmoqda. Bu yoʻnalishda muhim tashabbuslardan biri – “Yashil makon” dasturi boʻlib, u butun mamlakat boʻylab yashil hududlarni kengaytirishga qaratilgan. Shuningdek, oliy ta’lim muassasalarida ekologik ongni rivojlantirish va yashil infratuzilmani barpo etish maqsadida “Ipak Yo‘li Innovatsiyalar Universiteti” da ham “Yashil universitet” loyihasi yoʻlga qoʻyilgan.

“Yashil makon” dasturi: Oʻzbekistonni koʻkalamzorlashtirish tashabbusi Prezident Shavkat Mirziyoyev tashabbusi bilan boshlangan “Yashil makon” umumilliy loyihasi Oʻzbekistonning ekologik holatini yaxshilashga xizmat qilmoqda. Ushbu dastur doirasida: Har yili 200 million tup daraxt va buta ekilishi rejalashtirilgan. Mamlakatda yashil hududlar ulushini oshirish va iqlim oʻzgarishining salbiy taʼsirlarini kamaytirish maqsad qilingan. Koʻchat ekish bilan birga, yashil infratuzilma yaratilib, shahar va qishloqlarda ekologik barqarorlikni ta’minlash choralari koʻrilmoqda.

Mazkur loyiha atmosferani tozalash, havo haroratining haddan tashqari isib ketishini oldini olish va insonlar uchun qulay yashash sharoitini yaratishda katta ahamiyatga ega.

“Yashil universitet” loyihasi: Ta’lim muassasalarida ekologik ongni rivojlantirish “Yashil makon” dasturi doirasida “Yashil universitet” loyihasi ham amalga oshirilmoqda. Bu loyiha oliy taʼlim muassasalarida ekologik barqarorlik tamoyillarini tatbiq etish va talabalarning ekologik ongini oshirishga qaratilgan.

Loyihaning asosiy maqsadlari quyidagilardan iborat:

-  Universitet hududlarida yashil maydonlarni kengaytirish;

-  Talabalar va professor-o‘qituvchilar o‘rtasida ekologik madaniyatni shakllantirish;

-  Energiya tejamkor va ekologik toza texnologiyalarni oliy ta’lim muassasalarida joriy etish;

-  Xalqaro ekologik standartlarga mos universitet modelini yaratish.

Shu jumladan, Ipak Yo‘li Innovatsiyalar Universiteti ushbu loyihaga faol qoʻshilmoqda. Mazkur tashabbus Oʻzbekistonning ekologik barqarorlikka intilishining yaqqol namunasidir.

“Yashil makon” va “Yashil universitet” loyihalari Oʻzbekistonda ekologik muhitni yaxshilash, iqlim oʻzgarishining oldini olish va aholining hayot sifatini oshirishga qaratilgan muhim tashabbuslardir. Ushbu loyihalar mamlakatni yanada yashil va ekologik barqaror kelajak sari yetaklashga xizmat qiladi. Agar har bir fuqaro bu harakatga hissa qo‘shsa, Oʻzbekiston ekologik toza, yashil va farovon yurtdan biriga aylanishi aniq.