Ipak Yo‘li Innovatsiyalar
Universiteti Nodavlat oliy Ta’lim tashkiloti Olmaliq shahrida joylashgan
zamonaviy oliy ta’lim muassasasidir. Universitetga Kutlimuratov Aziz
Ro‘zimovich va Kutlimuratova Dilorom Isroilovnalar tomonidan 1.04.2022-yilda
asos solingan bo‘lib, qisqa vaqt ichida talabalar va ilmiy xodimlar orasida
obro‘ qozonishga muvaffaq bo‘ldi va sifatli
ta’lim berish va zamonaviy mutaxassislar tayyorlash borasida yaxshi natijalarga
erishdi.
Shuni ham ta’kidlash joizki, Ipak Yo‘li
Innovatsiyalar Universiteti – Eng yaxshi nodavlat oliygoh-2023 tanlovi g'olibi
deb topildi. 20-dekabrdan 20-yanvarga qadar @talimuz sahifasida tashkil etilgan
"Eng yaxshi nodavlat oliygoh-2023" tanlovi doirasida 103 nafar
nomzodlar ichida 16.571 ovoz bilan mutlaq g'olib deb topildi va tanlovning
maxsus statuetkasi bilan taqdirlandi.
Universitetning asosiy maqsadi – zamonaviy
bilim va innovatsion texnologiyalarni jamiyatga integratsiya qilish hamda
yuqori malakali mutaxassislarni tayyorlashdir. Ushbu ta’lim muassasasi xalqaro
standartlarga javob beradigan ta’lim dasturlari va ilg‘or o‘quv uslublarini
qo‘llash orqali ajralib turadi.
- Oliygohimizda Ta’lim tili: o‘zbek tilida olib boriladi;
-
Ta’lim shakli: kunduzgi, sirtqi, kechki;
-
To’lov shakli: grant,shartnoma asosida;
- Grantlar: Har o‘quv yilida tanlov asosida kunduzgi ta’lim shakli talabalarining 10% qismigacha;
-
Universitetda 60 ga yaqin professor-o‘qituvchilar dars berib
kelmoqda.
Universitetda
talabalarga turli yo‘nalishlarda ta’lim olish imkoniyati yaratilgan. Hozirda
quyidagi yo‘nalishlar faoliyat ko‘rsatmoqda:
Iqtisodiyot: Biznes,
boshqaruv va huquq" ta'lim sohasiga oid yo‘nalish bo’lib, u turli mulk
shakllariga tegishli tarmoq, sohalarning xo‘jalik yurituvchi sub’ektlari,
moliya, kredit vа
sug‘urta muassasalari, davlat hamda mahalliy hokimiyat organlari, akademik va
tarmoq, ilmiy tadqiqot tashkilotlari, maktabgacha, umumta’lim, o‘rta mахsus va oliy ta’lim muassasalarning
iqtisodiy, moliya, marketing, ishlab chiqarish, iqtisodiy vа tahlil xizmatlarini o‘z ichiga oladi,
tarmoqlar va korxonalarni rivojlantirishga, istiqbolini belgilashga, kasbiy
ko’nikmaga, mutasaddilik qobiliyatiga yo‘naltirilgan inson faoliyatining
vositalari, usullari, metodlari vа uslublari bilan bog'liq kompleks
masalalar majmuasini qamrab oladi.
Psixologiya: 60310300-Psixologiya-ljtimoiy va
xulq-atvorga mansub fanlar ta'lim sohasidagi yo'nalish bo'lib, maktabgacha
ta'lim, umumiy o'rta, o'rta maxsus, professional ta'limining davlat va nodavlat
muassasalarida; ta'limi muassasalarida ta'lim yo'nalishiga oid fanlarni
o'qitish, ommaviy axborot vositalari, davlat va mahalliy boshqaruvi organlari,
har xil shakldagi mulk, sanoat va biznes tashkilotlarida; xususiy psixologik
xizmat ko'rsatish markazlarida psixologik yordam ko'rsatish; O'quvchilarni
kasb-hunarga yo'naltirish va psixologik-pedagogik respublika tashxis markazida
psixodiagnostik tadbirlar uyushtirish; o'zini o'zi boshqarish organlari, «Oila
va gender» ilmiy-tadqiqot institutida; reabilitatsiya markazlarida, sport
jamoalarida psixologik xizmat ko'rsatish; Mudofaa vazirligi tasarrufidagi harbiy bo'limlarda, huquqni
muhofaza gilish idoralarida psixologik yordam ko'rsatish bilan bog'liq kompleks
masalalar majmuasini qamrab oladi.
Pedagogika:
Umumiy o‘rta ta’lim va ixtisoslashgan maktab
o‘qituvchisi kasb standartiga muvofiq umumiy o’rta ta’limda “Tarbiya" fani
o‘qituvchisi maqomida pedagogik faoliyat olib borish; o’rta maxsus va
professional ta’limda pedagogika fani o‘qituvchisi sifatida pedagogik faoliyat
olib borish; umumiy o'rta ta’lim maktabi direktori kasb standartiga muvofiq
ta'lim muassasasini boshqarish; mahallalarda yoshlar yetakchisi; mehribonlik
uyi tarbiyachisi; ta’limni amalga oshiruvchi vazirliklar, uning tarmoq
boshqarmalari va muassasalarida uslubchi bo'lib faolivat olib borish: umumiy
o‘rta ta’lim maktabi, professional ta’lim muassasalari, oliy ta’lim
muassasalarida kabinet mudiri, tyutor sifatida faoliyat yuritish kabi kasbiy
sohalar majmuasini qamrab oladi.
Boshlang‘ich
ta’lim: Ilmiy-tadqiqot tashkilotlarida kichik ilmiy xodim bo‘lib ishlash;
mahalliy o’z-o‘zini boshqarish organlari hamda joylardagi ma’naviyat va
ma’rifat markazlarida ishlash; umumiy o‘rta ta’lim maktablari, o‘rta maxsus
ta’lim muassasalarida boshlang‘ich ta’lim o‘qituvchisi maqomida faoliyat olib
borish; davlat boshqaruvi organlari, boshqa davlat va nodavlat muassasalarida
kasbiy faoliyat bo’yicha ish yuritish; umumiy o‘rta ta’lim maktabi direktori
kasb standartiga muvofiq ta’lim muassasasini boshqarish; umumiy o'rta ta'lim
maktabi, professional ta'lim muassasalari, oliy ta'limda kabinet mudiri, tyutor
sifatida faoliyat yuritish.
Universitetimizda shu kabi zamonaviy yo‘nalishlarda ta’lim beriladi. Talabalarga amaliy bilimlarni mustahkamlash uchun zamonaviy o‘quv uslublari, elektron kutubxonalar, talabalar turar joyi, bepul wi-fi, har bir auditoriyalar interaktiv doskalar bilan ta’minlangan shu bilan birga amaliyot imkoniyatlarini taqdim etadi va turli innovatsion markazlar tashkil etilgan.
Universitet xalqaro
hamkorlikni yo‘lga qo‘yib, chet eldagi nufuzli universitetlar bilan o‘zaro
almashuv dasturlarini amalga oshiradi.
Bunga misol tariqasida, 2024-yil sentyabr oyida “Boshlangʻich ta’lim” yoʻnalishi
talbalarining amaliyot jarayonlarida boʻldik. Olmaliq shahar umumiy oʻrta
ta’lim 17-19- maktablar bilan talabalarimiz oʻrtasida shartnoma imzolandi.
Amaliyot
mobaynida talabalarimiz:
“Amaliyot
jarayonlarida biz nazariy bilimlarimizni amalda sinab ko'rdik. Har bir bosqich
reja asosida tashkil etilib, maqsadga muvofiq bajarilmoqda. Amaliyot davomida
jamoaviy ishlar va individual vazifalar ustida ishlayapmiz. Ushbu jarayon bizga
tajriba orttirish va kelgusi ishlarimizda qo'llash uchun ko'plab foydali bilimlarni
beradi. O'zimizni yanada professional his qildik va kelajakda bu tajriba bizga
katta foyda keltirishiga ishonamiz”- deya fikr bildirishdi.
Oktyabr oyida “Ipak Yo‘li
Innovatsiyalar Universiteti“ rektorati tomonidan Turkiya davlatining mutasaddi tashkilotlar
vakillari Raxul Muxammad va Saodat Davlatova bilan xalqaro nufuzlu
universitetlar hamkorlik munosabatlarini o‘rnatish masalasi bo‘yicha
konferensiya tashkil qilndi. Universitet rektori Sobirova Nigora Tursunboyevna
O‘zbekiston Respublikasi Oliy Ta'limidagi islohotlar borasida fikr-mulohaza
bildirdi. Turkiyanining nufuzli oliygohlari bilan xalqaro hamkorlik aloqalarini
o‘rnatish borasida Ipak yo‘li innovatsiyalar
universiteti dunyo reytingida joy olgan TOP-1000 nufuzli 5 ta
oligohlar bilan memorandumlari imzolanishi haqida muhim kunlar belgilab olindi.
Shu yilning dekabr oyida Qozogʻistonning
Markaziy Osiyo Innovatsiyalar
Universiteti va Ipak Yoʻli Innovasiyalar Universiteti hamkorlik Memorandumini
va professor-oʻqituvchilarning akademik mobilligi toʻgʻrisidagi shartnomani imzoladi.
23-dekabr kuni "Ipak Yo'li Innovatsiyalar
Universiteti" va "99166 Harbiy Qism" bilan hamkorlik
Memorandumini imzoladi hamda talaba - yoshlarni harbiy-vatanparvarlik ruhida
tarbiyalash, ma’naviy-ma’rifiy ishlarni tashkil etish yuzasidan Ipak Yo‘li
Innovatsiyalar Universiteti bilan hamkorlikda o‘tkaziladigan tadbirlarni amalga
oshirishga qaratilgan chora-tadbirlar rejasi tasdiqlandi.
“Yoshlarni harbiy-vatanparvarlik ruhida
tarbiyalashdan ko‘zlangan maqsad – yoshlarda Vatanga sadoqat bilan xizmat
qilish, yurt tinchligini asrash, Vatan ravnaqi uchun faol bo‘lishga undaydigan
ijtimoiy, ma’naviy-axloqiy fazilatlarni qaror toptirish, mamlakatimizning
barcha sohalari uchun jonkuyar, halol, o‘z kasbiga sadoqatli va yetuk kadrlar
zahirasini shakllantirishdan iborat.”
Shuni ham ma’lum qilamizki, Tez orada
universitetning 10 000 (m2) yer maydoniga ega yangi o‘quv
binosi foydalanishga topshirilish arafasida.
Ipak Yo‘li Innovatsiyalar Universiteti Olmaliq
shahrining ijtimoiy-iqtisodiy rivojlanishiga ham katta hissa qo‘shmoqda.
Yoshlarning ta’lim olish imkoniyatlarini kengaytirib, ularning kelajakda
yetakchi mutaxassis bo‘lib yetishishiga xizmat qiladi.
Kelajakda
universitet ilmiy izlanishlar, innovatsion g‘oyalar va xalqaro hamkorlikni
yanada kengaytirishni maqsad qilgan. Shu sababli, Ipak Yo‘li Innovatsiyalar
Universiteti mintaqadagi eng nufuzli oliy ta’lim muassasalaridan biriga
aylanish yo‘lida izchil qadamlar tashlamoqda. Xalqimiz aytgandek, “Ming marta
eshitgandan, bir marta ko’rgan yaxshi” Keling, ko’ring, talaba bo’ling!
Ipak Yo‘li
Innovatsiyalar Universiteti bilan Yorqin kelajakni birgalikda quramiz!
