Malakaviy amaliyotlarni tashkil etish metodikasi

O'zbekiston Respublikasining birinchi Prezidenti I.A. Karimov "Inson shaxsini, uning yuksak ma'naviy fazilatlarini kamol toptirish, milliy istiqlol mafkurasini shakllantirish, yosh avlodni boy madaniy merosimiz hamda tarixiy qadriyatlarimizga hurmat-e'tibor, mustaqil Vatanimizga mehr-muhabbat ruhida tarbiyalash talablari oldimizga muhim vazifalarni qo'ymoqda" deb alohida ta'kidlaydi. Bu vazifalar, birinchi navbatda kelajakning bunyodkorlari bo'lmish yosh avlodni bilib olish, yuqori malakali kadrlar bo'lib o'z yurti va xalqiga sidqidildan xizmat qilishlarini nazarda tutadi. Zero, mustaqillik aynan fidoyi, o'z Vatanini manfaatiga sadoqatli, malakali raqobatbardosh kadlarning jamiyatni boshqarishini taqozo etadi.