Ipak Yo‘li Innovatsiyalar Universitetida atrof-muhitni obodonlashtirish va hududni yashillashtirish maqsadida mart oyi "Ko‘kalamzorlashtirish va obodonlashtirish" oyligi deb belgilandi.

Oylik doirasida universitet hududida ko‘chat ekish, mavjud daraxtlarga g‘amxo‘rlik qilish, gulzorlar barpo etish va hududni tozalash kabi bir qator ekologik tadbirlar o‘tkazilishi rejalashtirilgan. Ushbu tashabbus nafaqat obodonlashtirish ishlarini kuchaytirish, balki talabalarda tabiatga mehr va ekologiyaga bo‘lgan mas’uliyatni oshirishga xizmat qiladi.