Ipak yo‘li innovatsiyalar universiteti hamda Sankt-Peterburg davlat universitetining Toshkent filiali o‘rtasida hamkorlik memorandumi imzolandi.

Hujjatning maqsadi — ta’lim, ilmiy tadqiqotlar va innovatsion faoliyat sohalarida o‘zaro manfaatli hamkorlikni rivojlantirishdan iborat.

Hamkorlik tenglik, ixtiyoriylik va o‘zaro manfaat tamoyillari asosida yo‘lga qo‘yiladi. Bu esa ta’lim muassasalari o‘rtasidagi hamkorlikni yanada mustahkamlash hamda qo‘shma loyihalarni amalga oshirish imkonini beradi.